(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 194

॥ శ్రీః ॥
1.194. అధ్యాయః 194
Mahabharata - Adi Parva - Chapter Topics
పరాశరోత్పత్తిః॥ 1 ॥
పితరం కల్మాషపాదభక్షితం జ్ఞాత్వా క్రుద్ధేన పరాశరేణ లోకవినాశాయ యతనం॥ 2 ॥
కర్తవీర్యార్జున వంశ్యైః క్షత్రియైః ధనార్థం భృగువంశ్యానాం బ్రాహ్మణానాం హననం॥ 3 ॥
క్షత్రియభీత్యా కయాచిద్బ్రాహ్మణ్యా ఊరౌ గర్భం ధృతం హంతుం క్షత్రియాణాముద్యమః॥ 4 ॥
ఊరుం భిత్వా నిర్గతస్య బాలకస్య తేజసాంధీభూతానాం క్షత్రియాణాం బ్రాహ్మణీంప్రతి శరణగమనం॥ 5 ॥
Mahabharata - Adi Parva - Chapter Text

గంధర్వ ఉవాచ। 1-195-0x(1114)(8700)
ఆశ్రమస్థా తతః పుత్రమదృశ్యంతీ వ్యజాయత।
శక్తేః కులకరం రాజన్ ద్వితీయమివ శక్తినం॥ 1-194-1(8701)
జాతకర్మాదికాస్తస్య క్రియాః స మునిసత్తమః।
పౌత్రస్య భరతశ్రేష్ఠ చకార భగవాన్స్వయం॥ 1-194-2(8702)
పరాసుః స యతస్తేన వసిష్ఠః స్థాపితో మునిః।
గర్భస్థేన తతో లోకే పరాశర ఇతి స్మృతః॥ 1-194-3(8703)
అమన్యత స ధర్మాత్మా వసిష్ఠం పితరం మునిః।
జన్మప్రభృతి తస్మింస్తు పితరీవాన్వవర్తత॥ 1-194-4(8704)
స తాత ఇతి విప్రర్షిం వసిష్ఠం ప్రత్యభాషత।
మాతుః సమక్షం కౌంతేయ అదృశ్యంత్యాః పరంతప॥ 1-194-5(8705)
తాతేతి పరిపూర్ణార్థం తస్య తన్మధురం వచః।
అదృశ్యంత్యశ్రుపూర్ణాక్షీ శృణ్వతీ తమువాచ హ॥ 1-194-6(8706)
మా తాత తాతతాతేతి బ్రూహ్యేనం పితరం పితుః।
రక్షసా భక్షితస్తాత తవ తాతో వనాంతరే॥ 1-194-7(8707)
మన్యసే యం తు తాతేతి నైష తాతస్తవానఘ।
ఆర్య ఏష పితా తస్య పితుస్తవ యశస్వినః॥ 1-194-8(8708)
స ఏవముక్తో దుఃఖార్తః సత్యవాగృషిసత్తమః।
సర్వలోకవినాశాయ మతిం చక్రే మహామనాః॥ 1-194-9(8709)
తం తథా నిశ్చితాత్మానం స మహాత్మా మహాతపాః।
ఋషిర్బ్రహ్మవిదాం శ్రష్ఠో మైత్రావరుణిరంత్యధీః॥ 1-194-10(8710)
వసిష్ఠో వారయామాస హేతునా యేన తచ్ఛృణు। 1-194-11(8711)
వసిష్ఠ ఉవాచ।
కృతవీర్య ఇతి ఖ్యాతో బభూవ పృథివీపతిః॥ 1-194-11x(1115)
యాజ్యో వేదవిదాం లోకే భృగూణాం పార్థివర్షభః।
స తానగ్రభుజస్తాత ధాన్యేన చ ధనేన చ॥ 1-194-12(8712)
సోమాంతే తర్పయామాస విపులేన విశాంపతిః।
తస్మిన్నృపతిశార్దూలే స్వర్యాతేఽథ కథంచన॥ 1-194-13(8713)
బభూవ తత్కులేయానాం ద్రవ్యకార్యముపస్థితం।
భృగూణాం తు ధనం జ్ఞాత్వా రాజానః సర్వ ఏవ తే॥ 1-194-14(8714)
యాచిష్ణవోఽభిజగ్ముస్తాంస్తతో భార్గవసత్తమాన్।
భూమౌ తు నిదదుః కేచిద్భృగవో ధనమక్షయం॥ 1-194-15(8715)
దదుః కేచిద్ద్విజాతిభ్యో జ్ఞాత్వా క్షత్రియతో భయం।
భృహవస్తు దదుః కేచిత్తేషాం విత్తం యథేప్సితం॥ 1-194-16(8716)
క్షత్రియాణాం తదా తాత కారణాంతరదర్శనాత్।
తతో మహీతలం తాత క్షత్రియేణ యదృచ్ఛయా॥ 1-194-17(8717)
ఖనతాఽధిగతం విత్తం కేనచ్చిద్ధృగువేశ్మని।
తద్విత్తం దదృశుః సర్వే సమేతాః క్షత్రియర్షభాః॥ 1-194-18(8718)
అవమన్య తతః క్రోధాద్భృగూంస్తాంఛరణగతాన్।
నిజఘ్నుః పరమేష్వాసాః సర్వాంస్తాన్నిశితైః శరైః॥ 1-194-19(8719)
ఆగర్భాదవకృంతంతశ్చేరుః సర్వాం వసుంధరాం।
తత ఉచ్ఛిద్యమానేషు భృగుష్వేవం భయాత్తదా॥ 1-194-20(8720)
భృగుపత్న్యో గిరిం దుర్గం హిమవంతం ప్రపేదిరే।
తాసామన్యతమా గర్భం భయాద్దధ్రే మహౌజసం॥ 1-194-21(8721)
ఊరుణైకేన వాభోరూర్భర్తుః కులవివృద్ధయే।
తం గర్భముపలభ్యాశు బ్రాహ్మణ్యేకా భయార్దితా॥ 1-194-22(8722)
గత్వా వై కథయామాస క్షత్రియాణాముపహ్వరే।
తతస్తే క్షత్రియా జగ్ముస్తం గర్భం హంతుముద్యతాః॥ 1-194-23(8723)
దదృశుర్బ్రాహ్మణీం తేఽథ దీప్యమానాం స్వతేజసా।
అథ గర్భః స భిత్త్వోరుం బ్రాహ్మణ్యా నిర్జగామ హ॥ 1-194-24(8724)
ముష్ణందృష్టీః క్షత్రియాణాం మధ్యాహ్న ఇవ భాస్కరః।
తతశ్చక్షుర్విహీనాస్తే గిరిదుర్గేషు బభ్రముః॥ 1-194-25(8725)
తతస్తే మోఘసంకల్పా భయార్తాః క్షత్రియాః పునః।
బ్రాహ్మణీం శరమం జగ్ముర్దృష్ట్యర్థం తామనిందితాం॥ 1-194-26(8726)
ఊచుశ్చైనాం మహాభాగాం క్షత్రియాస్తే విచేతసః।
జ్యోతిఃప్రహీణా దుఃఖార్తాః శాంతార్చిష ఇవాగ్నయః॥ 1-194-27(8727)
భగవత్యాః ప్రసాదేన గచ్ఛేత్క్షత్రమనామయం।
ఉపారంయ చ గచ్ఛేమ సహితాః పాపకర్మణః॥ 1-194-28(8728)
సపుత్రా త్వం ప్రసాదం నః కర్తుమర్హసి శోభనే।
పునర్దృష్టిప్రదానేన రాజ్ఞః సంత్రాతుమర్హసి॥ ॥ 1-194-29(8729)

ఇతి శ్రీమన్మహాభారతే ఆదిప్రవణి చైత్రరథపర్వణి చతుర్నవత్యధికశతతమోఽధ్యాయః॥ 194 ॥

Mahabharata - Adi Parva - Chapter Footnotes
1-194-10 అంత్యధీః అంతే సిద్ధాంతే సాధ్వీ అంత్యా ధీర్యస్య సోంత్యధీః॥
చతుర్నవత్యధికశతతమోఽధ్యాయః॥ 194 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.